Հատված ՀՀՇ վարչության նախագահ Արամ Մանուկյանի հետ հարցազրույցից:
– Անշուշտ, ծանոթ եք կուսակցությունների ընտրացուցակներին: Ըստ Ձեզ` այս պահին ո՞ր կուսակցությանն եք համարում առաջատար:
– Ցավոք, հայաստանյան իրականությունը շատ հեռու է արդար մոնիտորինգի դաշտից, սոցհարցումներ անցկացնելու հնարավորությունից. արդյունքներն ու թվերը պատվիրված են: Եթե ընտրություններն անցկացվեն արդար ու թափանցիկ, առանց կեղծիքների, ապա ՀԱԿ-ը կհավաքի ձայների կեսից ավելին:
– Սակայն եվրոպական մի կառույցի մոնիտորինգի արդյունքներով ՀԱԿ–ն ի վիճակի է հաղթահարել 5%-ի շեմը:
Կարդացեք նաև
– Դա արդեն ծիծաղելի է, քանի որ, ինչպես ասում են, անգամ քնած վիճակում եռապատիկ-քառապատիկ ավելի կհավաքենք: Ինչ վերաբերում է այլ կուսակցություններին, ապա, մեր հաշվարկներով, ԲՀԿ-ի վարկանիշը գերազանցում է իշխող կուսակցության վարկանիշին, իսկ եթե ՀՀԿ-ն զրկվի վարչական լծակներից, նրանից գրեթե ոչինչ չի մնա: Այդ առումով ԲՀԿ-ն որոշակի ձայներ ունի, նա ինքնուրույն գործելու և ինքնուրույն ուժ լինելու հայտ է ներկայացրել: ԲՀԿ-ն մի քիչ ոգևորված է և փորձում է դառնալ ինքնուրույն խաղացող: ՀՀԿ-ի և ԲՀԿ-ի միջև հակամարտությունը ակնհայտ է, որքան էլ այն փորձեն քողարկել: Ամեն դեպքում, որոշողը ԲՀԿ-ն է. եթե դառնա ինքնուրույն խաղացող, ես դա կողջունեմ: Քաղաքական մոնոպոլիան ինքնին բացասական երևույթ է, իսկ այսօր այդ դերում ՀՀԿ-ն է` մեր բոլոր չարիքների բույնը:
Անուշ ՆԵՐՍԻՍՅԱՆ
«Հայացք»
