Ինֆորմացիայի ազատության կենտրոնը ամփոփել է մարդկանց տեղեկատվություն ստանալու իրավունքը 2012թ. առաջին եռամսյակի ընթացքում խախտածների ցուցակը:
Նրանք երկուսն են:
1. Վոլոդյա Խլոյան-Վարդենիսի քաղաքապետ
Ինֆորմացիայի ազատության կենտրոնը 2012թ. փետրվարի 17-ին ուղարկված գրավոր հարցմամբ Վարդենիսի քաղաքապետից խնդրել էր տեղեկություններ՝ Վարդենիս քաղաքի բյուջեով ձյան մաքրման աշխատանքների համար նախատեսված եւ հատկացված գումարների վերաբերյալ: Քաղաքապետարանը հարցմանը չի պատասխանել: ԻԱԿ-ը 2012թ. մարտի 15-ին կրկնակի հարցում է ուղարկել քաղաքապետին, սակայն կրկնակի հարցումը նույնպես մնացել է անպատասխան:
Կարդացեք նաև
2. Սամվել Դարբինյան-Վանաձորի քաղաքապետ
Ինֆորմացիայի ազատության կենտրոնը 2012թ. փետրվարի 21-ին ուղարկված տեղեկություն ստանալու գրավոր հարցմամբ՝ Վանաձորի քաղաքապետից խնդրել էր տեղեկություններ Վանաձոր քաղաքի բյուջեով ձյան մաքրման աշխատանքների համար նախատեսված եւ հատկացված գումարների վերաբերյալ: Քաղաքապետը Ինֆորմացիայի ազատության կենտրոնի հարցմանը չի պատասխանել: ԻԱԿ-ը 2012թ. մարտի 15-ին կրկնակի հարցում է ուղարկել քաղաքապետին, սակայն կրկնակի հարցումը նույնպես մնացել է անպատասխան:
«Առավոտ» օրաթերթ
