Այսօր Aravot.am-ը «Ազատ դեմոկրատներ» կուսակցության նախագահ Խաչատուր Քոքոբելյանից եւ կուսակցության անդամ Ալեքսանդր Արզումանյանից փորձեց պարզել` նրանք որեւէ հակասություն չունեի՞ն, որ միջկուսակցական շտաբ ձեւավորվեր, որովհետեւ նրանց փոխարեն «Ժառանգության» փոխնախագահ Ռուբեն Հակոբյանը Քաղաքագետների միությունում արդեն ստորագրել էր այդ փաստաթղթի տակ: Ալեքսանդր Արզումանյանը հորդորեց սպասել` ասելով, որ այդ հանդիպումից դեռ ոչ մի մանրամասնության տեղյակ չեն. «Ռուբիկը կգա` իրենից կհարցնենք: Համաձայն ենք, բայց թե այնտեղ ինչ է Ռուբիկը խոսացել, ինչ են արել` չգիտենք, մենակ գիտենք, որ Արմեն Ռուստամյանը ոգեւորված ստորագրել է»:
Խաչատուր Քոքոբելյանը խոստացավ իր համար ճշտումներ անելուց հետո, թե ինչն ինչոց է` հրապարակավ ներկայացնել իր տեսակետները:
Հռիփսիմե ՋԵԲԵՋՅԱՆ
