ՀՀ ոստիկանության պետ Վլադիմիր Գասպարյանի գլխավորությամբ այսօր հրավիրվել էր աշխատանքային խորհրդակցություն՝ կապված ԱԺ առաջիկա ընտրությունների հետ:
ՀՀ ոստիկանապետ Վլադիմիր Գասպարյանն ասաց., որ ահազանգներ են ստացել մինչեւ օրս՝ ցուցակների անճշտությունների եւ այլ երեւույթների հետ կապված:
Նա դիմեց լրագրողներին, առաջարկելով՝ ավելի լայն համագործակցության դաշտ ստեղծել::
«Որպես տանտեր, որպես ոստիկանապետ փաստեմ. անաչառ ենք լինելու, մեր մոտեցումները լինելու են վերկուսակցական, վերքաղաքական: Մեր ֆունկցիաների մեջ են մտնելու սկսած ընտրացուցակների ճշտումները, վերջացրած թեկնածուների, տեղամասերի, շտաբների անվտանգությունը, որը կստվերի արդար ընտրությունները»:
Կարդացեք նաև
Ոստիկանապետը տեղեկացրեց, որ ստեղծվել են խմբեր բոլոր մարզերում, որոնք աշխատում են ճշտելու, թե որտեղ ինչքան գրանցումներ կան, ոնց են աշխատում:
«Ամենակարեւոր բանը, որը կարող է մեզ խանգարել նախընտրական, ընտրական, հետընտրական գործընթացների ժամանակ, իմանալով հասարակության տրամադրությունները, խնդրում եմ ոչինչ չուռճացնել, ոչ մի երեւակայելի վերլուծություններ չանել: Մենք աշխատելու ենք շատ ավելի ճշգրիտ ու պարզ»,- ասաց ոստիկանապետը, հավաստելով, որ ահազանգի արագ չհակազդման դեպքում ինքն է կրում անձնական պատասխանատվություն: «Անձնական պատասխանատվություն եմ կրում ընտրությունների խաղաղ ու արդարացի անցկացման հետ կապված»,– ասաց ՀՀ ոստիկանապետը:
Ոստիկանապետության համար չկա ընդդիմություն, չկա դիմություն, գոյություն ունի երկիր, պետություն, գոյություն ունի մի շահ՝ արդար ընտրությունների շահ:
Ռուզան ՄԻՆԱՍՅԱՆ
Լուսանկարները՝ Գագիկ Շամշյանի
Ընտրական գործընթացներին ոստիկանության նախապատրաստելիք աշխատանքների մասին կարդացեք վաղվա «Առավոտ» թերթում:
