Քիչ առաջ, կառավարության նիստերի դահլիճում ՀՀԿ ծննդյան օրվա առիթով տեղի ունեցած միջոցառման ժամանակ ՀՀ վարչապետ Տիգրան Սարգսյանը շուրջ 300 երիտասարդների ՀՀԿ անդամատոմսեր է հանձնել: Խոսակցություններ կան, որ սա միայն սկիզբն է, ուսանողների հանրապետականացման գործընթացը շարունակվելու է: Մինչեւ խորհրդարանական ընտրություններ տարբեր միջոցառումներ են լինելու, որոնց ժամանակ վարչապետ Տիգրան Սարգսյանը ՀՀԿ-ական կուստոմսեր է բաժանելու:
Հանրապետական Գալուստ Սահակյանը մեր այս տեղեկությունը որակեց՝ «հերթական բամբասանք», ասաց, որ ՀՀԿ-ն ուսանողներին հանրապետականացնելու որոշում չունի ու հավելեց. «Մարդիկ եթե դիմում են, նաեւ անդամագրվում են ՀՀԿ-ին»: Դիտարկմանը՝ դա մասսայական բնույթ չի՞ կրելու, հակադարձեց. «Ճիշտն ասած, մենք քանակի ծարավ չենք, որ փորձենք ինչ-որ ստիպողաբար բաներ անել»:
Նելլի ԳՐԻԳՈՐՅԱՆ
Կարդացեք նաև
