Լուսանկարը` AP
Ռուսաստանի Սախալին կղզու մոտակայքում կիրակի օրը ծավալված փրկարարական մասշտաբային աշխատանքների արդյունքում հաջողվել է փրկել ափից կտրված սառցաբեկորի վրա հայտնված 675 ձկնորսի:
Բոլոր ձկնորսներին սառույցից հանելու համար փրկարար ջոկատներին պահանջվել է մոտ ութ ժամ: Դրանից հետո սառցաբեկորը դուրս էր եկել Օխոստսկի ծով, որտեղ մարդկանց փրկելը կլիներ գրեթե անհնար:
Ձկնորսները նախօրոք զգուշացվել են այն մասին, որ ուժեղ քամու հետևանքով սառցաբեկորը կարող է կտրվել ափից: Սակայն նրանք անտեսել այս հանգամանքը՝ ասելով, որ կիրակին եղել էր սառույցի վրա ձուկ որսալու վերջին օրը՝ նախքան սառույցի հալվելը:
Փրկված ձկնորսներից ոչ մեկը լուրջ վնասվածքներ չի ստացել:
Արմեն Հովհաննիսյան
«Ամերիկայի Ձայն»
