Գորիսի եւ Սիսիանի տարածաշրջաններն ընդգրկող թիվ 37 ընտրատարածքային ընտրական հանձնաժողովի մեծամասնական թեկնածուների գրանցման նիստն այսօր ընդհատվել եւ հետաձգվել է տվյալ ընտրատարածքում ինքնաառաջադրված Սամվել Հարությունյանի կողմից հանձնաժողով ներկայացրած դիմում բողոքից հետո:
Թիվ 37 ԸԸՀ նախագահ Արմեն Ստեփանյանի տեղեկատվության համաձայն` Գորիսից առաջադրված Սամվել Հարությունյանը դիմում-բողոք է ներկայացրել Սիսիանից ինքնառաջադրված Թաթուլ Հակոբյանի վերաբերյալ, որ տվյալ թեկնածուն չունի վերջին 5 տարվա գրանցում ՀՀ-ում:
Նիստը կկայանա վաղը. օրակարգում կլինի առաջադրման փաստաթղթեր հանձնած 5 ներկայացուցիչների` ՀՀԿ-ական Հայկ Գրիգորյանի, անկուսակցականներ Սամվել Հարությունյանի, Վարազդատ Վարդազարյանի, Թաթուլ Հակոբյանի եւ Մալիկ Թելունցի պատգամավորի թեկնածուների գրանցումների հարցը:
Թիվ 37 ընտրատարածքում 5 դիմումատուներից 4-ը Գորիսից են, իսկ մեկը Սիսիանից: Նշենք, որ Սիսիանից մեկ այլ ներկայացուցիչ` ինքնառաջարդված, անկուսակցական Արտակ Սիսիակյանը մարտի 28-ին ժամը 17:30-ին ինքաբացարկի դիմում էր ներկայացրել:
Կարդացեք նաև
Մերի ՍՈՂՈՄՈՆՅԱՆ
