Երեկ ՀԱԿ-ի հանրահավաքում Արամ Մանուկյանը ցուցադրում էր ՕԵԿ-ի բաժանած ջեմն ու օծանելիքը: Այսօր Aravot.am-ը ՕԵԿ փոխնախագահ Մհեր Շահգելդյանից այդ ցուցադրության եւ ընդհանրապես ջեմի ու օծանելիքի պատմության հետ կապված մեկնաբանություն խնդրեց. «Թող ցուցադրեն ինչ որ իրենց մոտ է, ի՞նչն է խնդիրը»,- զարմացավ պարոն Շահգելդյանը: Մեր հարցին, դա ընտրակաշառք չէ՞՝ նա պատասխանեց. «Բացարձակ: Ոչ մի նման ընտրակաշառք չի եղել, ոչ մի նման բան էլ չի եղել, գոյություն չունի: Եվ դա բացարձակ չի համապատասխանում իրականությանը»:
Հռիփսիմե ՋԵԲԵՋՅԱՆ
