Այսօր, մարտի 31-ին ավտովթար է տեղի ունեցել Երևանում։ Ինչպես Aravot.am–ին հայտնում է ֆոտոլրագրող Գագիկ Շամշյանը, ժամը 05.00–ի սահմաններում Իսակովի պողոտայում, Ոստիկանության ակադեմիայի դիմաց, թիվ 231 էլեկտրասյան մոտ իրար են բախվել 28–ամյա Էդգար Մելքոնյանի վարած «ՎԱԶ–21144» մակնիշի 14 ՍՕ 707 համարանիշի 35-ամյա Արայիկ Մելքոնյանի «Օպել» մակնիշի 20 ՕՏ 894 համարանիշի և «Երևանշին» ԲԲԸ–ին պատկանող 36-ամյա Պետրոս Մելքոնյանի վարած 4–701Ռ բարձիչ տրակտորը։
Վթարի հետևանքով «ՎԱԶ–21144»–ի վարորդ Է. Մելքոնյանը տեղափոխվել է Սբ. Գրիգոր Լուսավորիչ բժշկական կենտրոն։
Վթարի վայրում քննչական աշխատանքները ղեկավարել է Ոստիկանության քննչական գլխավոր վարչության Երևանի քննչական վարչության Ճանապարհատրանսպորտային հանցագործությունների քննության բաժնի քննիչ Անդրանիկ Փարսադանյանը։ Քննիչի հանձնարարականով մեքենաները տեղափոխվել են Երևանի ՃՈ տուգանային հրապարակ։
Լուսանկարները՝ Գագիկ ՇԱՄՇՅԱՆԻ
