«Էվրի Դեյ» ընկերությունը, որը սպառողներին հայտնի է «Բյուրեղ» ապրանքանիշով, դիմել է Տնտեսական մրցակցության պաշտպանության պետական հանձնաժողով՝ (ՏՄՊՊՀ) տեղեկացնելով, որ իր մրցակից «Մեգա Վոթըր» ընկերությունը սպառողին առաջարկում է խմելու մաքուր ջուր, սակայն ջրի հումքային ծագման մասին տալիս է ոչ ճիշտ տեղեկատվություն: «Էվրի Դեյ» -ը հայտնել է, որ «Մաքուր ջուրը» շշալցվում է ոչ թե Գառնիի լեռնային աղբյուրից, ինչպես որ մակնշված է արտադրանքի պիտակին, այլ քաղաքային սովորական ջրամատակարարման ցանցից, ինչի պատճառով իրենց համար առաջացել են մրցակցային խնդիրներ:
Այսօր ՏՄՊՊՀ-ն որոշեց «Մեգա Վոթըր» ընկերությանը տուգանել տարեկան հասույթի 5 %-ի չափով, որը հանձնաժողովի նախագահ Արտակ Շաբոյանի տվյալներով կազմել է 5 միլոն դրամ: Ըստ Ա. Շաբոյանի, «Մեգա Վոթըր»-ն իր գործունեությամբ սպառողներին մոլորության մեջ է գցել ու անբարեխիղճ մրցակցություն է վարել, ինչի շնորհիվ լուրջ առավելություններ է ստացել, մասնավորապես՝ իր թողարկած արտադրանքի վրա կատարելով քիչ ծախսեր, հնարավորություն է ստացել շուկայում ավելի ընդլայնել իր բիզնեսը եւ գնումների մրցույթներում էլ առաջարկել է անհամեմատ ցածր գին:
«
Մեգա Վոթըր»-ի մրցակցային խախտումները հանձնաժողովը հայտնաբերել էր՝ բնապահպանության նախարարությունից պահանջելով այն ընկերությունների ցանկը, որոնք թույլտվություն ունեն աղբյուրի ջրի հանքը օգտագործելու: Նրանց թվում «Մեգա Վոթըր» ընկերությունը չի եղել: Հանձնաժողովը տնտեսվարողին պարտադրել է 5-օրյա ժամկետում դադարեցնել խախտումները:
ՏՄՊՊՀ նիստին «Մեգա Վոթըր» ընկերությունից որեւէ ներկայացուցիչ չկար:
Կարդացեք նաև
«Էվրի Դեյ» ընկերության տնօրեն Կարեն Սարկավագյանը «Aravot.am»-ի հետ զրույցում ասաց.
Հանձնաժողովի որոշման վերաբերյալ «Aravot.am»-ը հեռախոսով մեկնաբանություն խնդրեց նաեւ «Մեգա Վոթըր» ընկերության պատասխանատուներից: Մեր հարցին ի պատասխան ընկերությունից հայտնեցին, որ իրենք հանձնաժողովի որոշման դեմ ավելի ուշ կանեն պաշտոնական հայտարարություն:
Լուսինե ԲՈՒԴԱՂՅԱՆ
