Վահագն Հակոբյանը Գեղարքունիքի մարզպետ է եղել, ապա աշխատել է Երեւանի մետրոպոլիտենի տնօրեն։ Հիմա «Նաիրիտ» գործարանի տնօրենի խորհրդականն է։ Ուշագրավ է, որ Վահագն Հակոբյանին ՀԱԿ-ը ներկայացրել է իր մեծամասնական թեկնածուների ցանկում։ Հակոբյանն ինքնաբացարկ է հայտարարել, մեզ հետ զրույցում պատճառաբանեց, որ առողջական խնդիրներ են առաջացել, եւ բուժվելու նպատակով պետք է երկար ժամանակով բացակայի Հայաստանից։
– Դրա համար նպատակահարմար գտա, որ դուրս գամ պայքարից, ուրիշ բան չկա։
– Դուք ՀՀԿ անդա՞մ եք։
Կարդացեք նաև
– Այո, այո։ Ավելին՝ ՀՀԿ հիմնադիր անդամ, հիմնադիր, որտեւ էն ժամանակ, որ կուսակցությունը ստեղծվեց, Աշոտ Նավասարդյանն էր, Անդրանիկ Մարգարյանը, Ռազմիկ Զոհրաբյանն էր, ես էի, Գալուստ Սահակյանն էր, ըտենց մի քանի հոգի էինք։
– Պարոն Հակոբյան, Ձեր անունը նշվել էր ՀԱԿ մեծամասնական ցուցակում, ՀԱԿ-ի հետ պայմանավորվածությո՞ւն էիք ձեռք բերել։
– Ես կուրսի չեմ։ …Ուրեմն ցանկացած թեկնածու կուզենար, որ ես իրա ցուցակում լինեի, այդ թվում՝ ՀԱԿ–ը, Դաշնակցությունը եւ մնացած բոլորը, սաղ էլ կուզենային, հիմա թե ոնց ա եղել, ինչ ա եղել, սաղ էլ իմ ընկերներն են, պետք չի, էլի, ըտենց անջրպետ դնել։ Բայց իմ հետ քննարկում չի եղել։
Լուսինե ՇԱՀՎԵՐԴՅԱՆ
«Հրապարակ»
