Բուլղարիայում անխափան գործում է շախմատային մրցումների համար սահմանված կանոնակարգը:
Պլովդիվում ընթացող շախմատի Եվրոպայի տղամարդկանց 13-րդ անհատական առաջնության 8-րդ տուրում, Վրաստանի ներկայացուցիչ Շոթա Ազալաձեի հետ պարտիայի մեկնարկից ուշանալու համար, ադրբեջանցի գրոսմայստեր Շախրիյար Մամեդյարովին տեխնիկական պարտություն է գրանցվել: Ինքը` Մամեդյարովը, նեղվել է նրանից, որ իր իսկ պնդմամբ, ժամացույցը գործի դնելու պահից ուշացել է ընդամենը 10 վայրկյան: Բայց եթե անգամ նա խաղար եւ հաղթեր, ապա հնարավոր այդ 5,0 միավորով մրցաշարային աղյուսակում լավագույն դեպքում տեղ կզբաղեցներ 53-89-րդ հորիզոնականների միջակայքում:
Աշոտ ՀԱԿՈԲՅԱՆ
