Հատված «Հանրապետություն» կուսակցության անդամ, ՆԳ նախկին նախարար Սուրեն Աբրահամյանի հետ հարցազրույցից
– Ըստ էության «Հանրապետություն» կուսակցությունը հրաժարվեց ընտրական գործընթացներին ակտիվ մասնակցությունից, ավելի ճիշտ՝ կուսակցականների ներգրավվածությունից եւ համամասնական, եւ մեծամասնական ընտրակարգերում։ Ռազմավարության տեսանկյունից արդյոք նման որոշումը ճի՞շտ է, եւ ո՞րն է պատճառը։
– Սովորաբար մեզ համար, բացի սեփական ամբիցիաներից, բարոյականությունն ու գլխավոր նպատակին նվիրված լինելն ավելի առաջնային է։ …Ես չեմ ասում, որ մենք ամբիցիաներ չունենք, դրանք դրսեւորելու պարագայում մենք ոչ մեկին չենք զիջի, բայց մեզ համար բարոյականությունը եւ ամենակարեւորը՝ մեր վերջնական նպատակը՝ երկրում սահմանադրական իշխանություն հաստատելու գործընթացն ավարտին հասցնելը, դա մեր գերագույն խնդիրն է, դրանք մեզ համար առաջնային են։ Երբ ՀԱԿ-ում այդ ցուցակի քննարկումները սկսվեցին, մենք այդ ժամանակ հայտարարեցինք, որ ՀԱԿ-ի հոգսը թեթեւացնենք, այսինքն՝ մենք մեր տեղերը զիջենք եւ միայն կուսակցության նախագահի դեմքով հանդես գանք համամասնական ցուցակում։ Այսինքն, որ այնտեղ կրքերը շատ չբորբոքվեն էդ անտեր մանդատների համար, որովհետեւ մեր խնդիրը մանդատը չի, այլ իշխանափոխությունը, եւ երկրոոդը, որ ժողովրդին ասենք, որ մենք կանք, մենք ձեր կողքն ենք, մենք փողոցում ենք մնալու մինչեւ երկրում հաստատվի սահմանադրական կարգը, եւ ժոդովրդահաճո իշխանություն ձեւավորվի։
Լուսինե ՇԱՀՎԵՐԴՅԱՆ
Կարդացեք նաև
«Հրապարակ»
