Չինաստանի Ցիզնան քաղաքի բնակիչ՝ 102-ամյա Մա Սյու Սյանն ապացուցել է, որ սովորելը երբեք էլ ուշ չէ:
Ուսում ստանալու մասին նա երազել է ողջ կյանքում, բայց 13 տարեկանից սկսել է աշխատել, իսկ 18-ում ամուսնացել է՝ լույս աշխարհ բերելով ու բարձրագույն կրթության տալով ինը երեխա: Թոշակառու տատիկին երազանքն ի կատար ածելու հնարավորություն ընձեռել է տեղի դպրոցներից մեկի տնօրինությունը, որն այդ մասին տեղեկացել է թերթերից մեկում նրա հետ տպագրված հարցազրույցից:
Մա Սյու Սյանը դպրոցում նստել է առաջին դասարանցիների հետ կողք-կողքի՝ դասատուին լավ լսելու համար կրելով լսողական սարք, իսկ լավ տեսնելու համար՝ խոշորացույց: Եվ ինչպես երեւում է սովորելը տատիկին դուր է եկել, քանի որ նա խոստացել է ջանադրաբար սովորել:
Աշոտ ՀԱԿՈԲՅԱՆ
