Ինչպես արդեն տեղեկացրել էինք, թիվ 10 ընտրատարածքային ընտրական հանձնաժողովը որոշեց մերժել գրանցել մեծամասնական ընտրակարգով առաջադրված պատգամավորի թեկնածու Խաչատուր Սուքիասյանին:
Հանձնաժողովը հիմք ընդունեց ոստիկանության տեղեկանքը, որով կասկածի տակ էր առնվել պատգամավորի թեկնածուի` վերջին 5 տարում Հայաստանում մշտապես բնակվելու փաստը, իսկ Խ. Սուքիասյանի ներկայացուցիչ Արա Զոհրաբյանին 7 րոպե ժամանակ տրամադրեց որոշմանն առարկելու համար, ինչի հետ Ա. Զոհրաբյանը չհամաձայնեց` պնդելով, որ այդկերպ հանձնաժողովը սահմանափակում է իր ելույթի իրավունքը:
Նրա հիմնական առարկությունները երկուսն էին: Մասնավորապես , նա նշում էր, որ Խ. Սուքիասյանը օրենքով սահմանված բոլոր փաստաթղթերը ներկայացրել է ընտրատարածքային ընտրական հանձնաժողով, այդ թվում նաեւ ԿԸՀ կողմից հաստատված՝ ոստիկանության տված տեղեկանքը. «Հանձնաժողովը գտնում է, որ այդ տեղեկանքը չակերտավոր չկա, որովհետեւ ոստիկանության անձնագրային վիզաների վարչության կողմից տրվել է գրություն, որով ասվում է, որ այդ տեղեկանքում նշված տեղեկություններն այնքան էլ ճիշտ չեն: Մեր կարծիքով հանձնաժողովը չէր կարող հիմնվել որեւէ այլ գրության վրա, որովհետեւ եթե հանձնաժողովը պետք է ասեր որ չկա այդպիսի տեղեկանք, ապա պետք է վերադասի կողմից ներկայացներ որոշում, որով պետք է ասվեր որ այդ տեղեկանքը ճանաչվում է ուժը կորցրած»:
Կարդացեք նաև
Արփինե ՍԻՄՈՆՅԱՆ
