Հատվածներ «Ժառանգություն» կուսակցության փոխնախագահ Ռուբեն Հակոբյանի հետ հարցազրույցից:
-ՀԱԿ-ի եւ «Ժառանգության» հարաբերություններում կա՞ շանտաժի դրսեւորում:
-Դժբախտաբար Երեւանի ավագանու ընտրությունների ժամանակ ՀԱԿ-ը շանտաժի միջոցով կարողացել է, իրենց գնահատմամբ, որոշակի հաջողությունների հասնել: Իսկ այդ շանտաժը այն էր, որ նրանք մեկուսացրին «Ժառանգությանը», եւ կուսակցությունը չմասնակցեց ընտրություններին՝ ՀԱԿ-ին չխանգարելու եւ ընդդիմությանը մեկ ճակատով պայքարելու հնարավորություն տալու նպատակադրումով:
Այդ շանտաժի «արդյունքները» մենք հիմա քաղում ենք, քանի որ ՀԱԿ-ը չվերցրեց մանդատները, եւ մայրաքաղաքի պառլամենտում ընդդիմությունը ներկայացված չէ:
Հիմա էլ ՀԱԿ-ը փորձում է խոսել նույն շանտաժի լեզվով: Եթե իրենք ինքնուրույն չհասկանան, ապա կհասկացնենք, որ այդ լեզուն իրենց առհասարակ հաջողություն չի կարող բերել: Այսինքն՝ չի կարող կրկնվել այն, ինչը նրանց «հաջողվեց» 2009 թվականին:
-Համաձա՞յն եք ՀԱԿ-ի ներկայացուցիչներից մեկի պնդմանը, թե ՀԱԿ-ի շուրջ համախմբվել է ընդդիմադիր ուժերի 95% տոկոսը:
-Կարծում եմ, ՀԱԿ այդ ներկայացուցիչը սխալվել է: Հավանաբար նա իրականում ցանկացել է ասել՝ 99%-ը, բայց շատ համեստ է արտահայտվել:
Գեւորգ ՀԱՐՈՒԹՅՈՒՆՅԱՆ
«Հայոց աշխարհ»
