«Միավորված հայեր» կուսակցությունը լավ սպասելիքներ չունի ընտրությունների մասնակից եւ ոչ մի կուսակցությունից:
«Հանրապետական կամ մյուս կուսակցություններից, որոնք արդեն եղել են իշխանության թեւ եւ Ազգային ժողովում լինելով հանդերձ, վերջին 5 տարվա ընթացքում գրեթե ոչինչ չեն արել ու այդ նույն կազմով գնալ ու հույս ունենալ, որ նրանք ինչ–որ բան կփոխեն, պատրանք է: Մեր՝ երրորդ ուժի, նպատակն է գնալ ու փորձել բոլոր ուժերին համախմբել, որ նրանք կարողանան դառնալ ոչ թե իշխանամետ, այլ ՝ պետականամետ»,- Aravot.am-ին ասաց կուսակցության փոխնախագահ Հովհաննես Հովհաննիսյանը:
Նրա խոսքերով, իրենք ուսումնասիրել են բոլոր կուսակցությունների ընտրացուցակները եւ եզրահանգել, որ խորհրդարան են գնում վարորդներ ու երգչուհիներ. «Դուրս է գալիս, որ երգչուհին կարող է օրենք գրել, վարորդը կարող է օրենք գրել: Մատների վրա կարո՞ղ եք հաշվել ՝ քանի իրավաբան ու տնտեսագետ կա մեր Ազգային ժողովում եւ ովքե՞ր են հիմա, ներկայումս գնում Ազգային ժողով»:
Պարոն Հովհաննիսյանն ասաց, որ իրենք պատրաստ են յուրաքանչյուր կուսակցության հետ համագործակցել, միայն թե տվյալ կուսակցությունը լինի պետականամետ: Նա ասաց, որ համագործակցության առաջարկով դիմել էին «Ժառանգությանը», բայց դրական պատասխան չեն ստացել:
Կարդացեք նաև
Արփինե ՍԻՄՈՆՅԱՆ
