Այսօր Մարքսիստական կուսակցության նախագահ Դավիթ Հակոբյանը «Փաստարկ» ակումբում խոսելով կուսակցությունների պոտենցիալի մասին` վստահեցրեց, որ ՀՀԿ-ն, ԲՀԿ-ն կմտնեն խորհրդարան, «Ժառանգությունը» հարցական է, իսկ ՕԵԿ-ը չի մտնի: Եթե ՕԵԿ-ը չմտնի` «Ժառանգությունը» կարող է մտնել. «ՕԵԿ–ը չի անցնի, բացարձակ 0 պոտենցիալ ունի: Եթե ՀՀԿ–ն իր ձայներից կդնի նրա վրա` անցկացնելու համար` խնդրեմ, բայց նա ձայն չունի հասարակության մեջ»: Aravot.am-ի հարցին, թե ինչի՞ց ենթադրեցիք, որ ՕԵԿ-ը չի անցնի` Դավիթ Հակոբյանը լակոնիկ պատասխան տվեց. «Մեր հոգու դավթարում ՕԵԿ հասկացողություն չկա: Ես ինչ լսել եմ ժողովրդից, նրանց խոսքն էլ ասում եմ»:
Այս առնչությամբ մեզ հետ զրույցում ՕԵԿ խմբակցության ղեկավար Հեղինե Բիշարյանն ասաց. «ՕԵԿ անդամների թիվը հիմա 160 հազար եւ ավելի է: Դավիթ Հակոբյանը մի հատ շա~տ փոքրիկ, մի հատ փոքրի~կ, էսպես մարդ է: Խոշորացույցով պետք է գտնենք նման մարդու, որ իմանանք, թե նրա կարծիքն ինչ արժե: Ես նման մարդու քաղաքական դաշտում չեմ ճանաչում, որի կարծիքը կարող է մեզ համար կարեւոր լինի»:
Հռիփսիմե ՋԵԲԵՋՅԱՆ
Կարդացեք նաև
