2008 թվականի Ազատության հրապարակի բազմահազարանոց փետրվարյան հանրահավաքներում ՀՀ առաջին նախագահ Լեւոն Տեր-Պետրոսյանը ժողովրդին ոգեւորում էր նաեւ նրանով, որ գեներալ Մանվել Գրիգորյանը համաժողովրդական շարժման հետ է: ՀԱԿ համակարգող Լեւոն Զուրաբյանից «Առավոտը» հետաքրքրվեց՝ առաջին նախագահին շա՞տ է հիասթափեցրել Մանվել Գրիգորյանի պահվածքը եւ ՀՀԿ համամասնական ցուցակում հայտնվելը: «Այդ կապակցությամբ նախագահի ելույթը, որի մի մասը նվիրված էր ԵԿՄ-ին, լսել եմ վերջին հանրահավաքում. ավելացնելու բան չունեմ»,- ասաց պարոն Զուրաբյանը՝ 2008 թվականի համեմատության առումով հավելելով. «Ամեն մարդ, հասարակական, քաղաքական գործիչ, պետական պաշտոնյա ինքն է որոշում՝ ժողովրդի կողքին է կանգնում, թե կեղեքիչ մեքենայի, եւ ըստ դրա էլ ժողովուրդը նրան գնահատում է»:
«Առավոտ» օրաթերթ
