ՀՀԿ–ի ցուցակում հայտնված ՍԻՄ նախագահ Հայկ Բաբուխանյանը հիմա զբաղված է Սերժ Սարգսյանի փառաբանմամբ, իսկ մի քանի տարի առաջ… ավելի լավ է ներկայացնենք, թե ինչ էր ասում մի քանի տարի առաջ:
«Կրիմինալ-օլիգարխիկ համակարգը վերջնականապես ձեւավորվել է՝ Սերժ Սարգսյանի Հանրապետական կուսակցություն մուտք գործելով: Նրա այդ քայլով խախտվել են մի շարք կետեր (այսինքն, Հայկ Բաբուխանյանը դարձել է կրիմինալ–օլիգարխիկ համակարգի մաս: Իր խոսքերի հիման վրա ենք ասում– «ՉԻ»):
Մենք շատ անելիքներ ունենք, մոտենում ենք ընտրություններին, եւ հասարակության համախմբումը ընդդեմ իշխանությունը բռնազավթած կրիմինալ-օլիգարխիկ համակարգի շատ կարեւոր է…
Եթե Դաշնակցությունը դուրս գա ներկայիս իշխանության կազմից, մեղա գա ժողովրդի առաջ՝ իշխանությանը մաս կազմելու ընթացքում իր կատարած քայլերի համար եւ գործնականում ապացուցի, որ պատրաստ է մաս կազմել հակակրիմինալ ճակատին, ապա նաեւ ՀՅԴ-ի հետ կհամագործակցենք (հետաքրքիր է, երբեւիցե որեւէ մեկը կհամագործակցի՞ այս անձնավորության հետ, եթե նա մեղա գա նրա համար, ինչի համար ժամանակին մեղադրել է ՀՅԴ–ին– «ՉԻ»):
Կարդացեք նաև
«Այն գործիչները, ովքեր ժողովրդի դեմ հանցանք են կատարել, պետք է մեղա գան եւ անցնեն ստեղծագործ, հայանպաստ գործունեության… Սերժ Սարգսյանը կարող է մեղա գալ, առաջադրվել ՀՀ նախագահի պաշտոնում, ինչպես ՀՀ յուրաքանչյուր քաղաքացի եւս կարող է, բայց ես երբեք նրան չեմ պաշտպանի» (այստեղ մեկնաբանություններն ավելորդ են– «ՉԻ»):
«Իրավունք», սեպտեմբեր, 2006թ.
Գ. ԱՐԱՄՅԱՆ
«Չորրորդ ինքնիշխանություն»
