Հատված ՀՀԿ խմբակցության անդամ Հերմինե Նաղդալյանի հետ հարցազրույցից:
– Հետընտրական ի՞նչ իրավիճակ եք կանխատեսում։
– Մենք բազմիցս հայտարարել ենք, որ չենք ձգտում ցանկացած գնով հաղթանակի, եւ ՀՀ նախագահն էլ միանշանակ ասել է, որ մեզ անհրաժեշտ են մաքուր, ազնիվ, արդար ընտրություններ։
Կարդացեք նաև
– Կա՞ն նման ընտրություններ անցկացնելու նախադրյալներ։
– Իհարկե, կան։ Առաջին նախադրյալը փոփոխված Ընտրական օրենսգիրքն է։ Այսօրվա ԸՕ-ն յուրաքանչյուր քաղաքական ուժի դիտորդին հասցրել է գրեթե հանձնաժողովի անդամի կարգավիճակի, հանծնաժողովի աշխատանքր ծայրաստիճան թափանցիկ է դարծվել, եւ ընտրական գործընթացի յուրաքանչյուր մասնակից, ով ուզում է սկզբից մինչեւ վերջ ամեն ինչ իր աչքով տեսնել, ունի այդ հնարավորությունը։
– Օրենսգիրքը նախորդ ընտրություններում էլ չէր մղում ընտրակեղծիքների։
– Կարևոր է, որ վստահված անձանց նման հնարավորություններ են ընձեռված՝ ամեն պահի, ամեն տեղում ամեն ինչ վերահսկելու, տեսնելու, իմանալու։ Բայց ավելի կարեւոր է քաղաքական կամքը, բազմիցս «Հանրապետականի» առաջնորդը, մյուս առաջատարները հայտարարել են այդ մասին։ Մենք գնում ենք արդար ընտրությունների, գործելու ենք բաց եւ շիտակ թե նախընտրական շրջանում, թե ընտրության օրը։ Էլ չեմ ասում, որ հիմա հեռահաղորդակցության միջոցներն այնքան են զարգացել, որ տանը նստած էլ հնարավոր է ամբողջական տեղեկություն ունենալ ամեն ինչից:
Անահիտ ԱԴԱՄՅԱՆ
«Իրատես de facto»
