«Հանրապետական կուսակցությունն իր առջեւ խնդիր է դրել ոչ միայն չբարձրացնելու, այլեւ «պլինտուսից» էլ ցածր մակարդակի իջեցնելու Ազգային ժողովի դերը ու վարկաբեկելու հայոց պետականությունը»,- այսօր նման հայտարարությամբ հանդես եկավ «Հայկական ժամանակ» օրաթերթի գլխավոր խմբագիր Նիկոլ Փաշինյանը: Նրա այս հայտարարությանը Aravot.am-ի հետ զրույցում անդրադարձավ ՀՀԿ խմբակցության ղեկավար Գալուստ Սահակյանը. «Ընդդիմության որդեգրած քաղաքականությունն է՝ մտածում են, որ դիմացինին սեւացնելով դառնում են գունավոր կամ գունափոխություն են կատարում: Մի անգամ արդեն հայտարարել ենք, որ ժամանակ էլ չունենք նման անիմաստ կարծիքներին պատասխանելու : Հանրապետական կուսակցությունն իր առջեւ խնդիր է դրել, որ նման գորշ, անիմաստ, անպտուղ մոտեցում ունեցող մարդիկ որոշակիորեն փոխեն իրենց դրվածքը, որ այդքան ծիծաղելի չդառնան: Հետո ասրեք «պլինտուսի» հայերեն բառը օգտագործեն, որ հայերենով պատասխանեմ»:
«ՀՀԿ հիասթափեցնող ցուցակի» մասին ՀՅԴ խմբակցության ղեկավար Վահան Հովհաննիսյանի հայտարարությանը՝ «Ավելի լավ է ուշադիր կարդացեք մեծամասնականի իրենց թեկնածուների անունները եւ նայեք լուսանկարները» ի պատասխան՝ պարոն Սահակյանը խորհուրդ տվեց. «Յուրաքանչյուր կուսակցություն իր ցուցակը թող նայի ու իր ցավով տառապի: Առավել եւս, եթե խոշորացույցով նայենք ավելի այլանդակ բաներ կտեսնենք մյուսների մոտ, քան ենթադրում են , որ մեզ մոտ կլինի»:
Կարդացեք նաև
Արփինե ՍԻՄՈՆՅԱՆ
