«Blaecher Report»-ը հրապարակել է այն տասը ուժեղագույն ֆուտբոլիստների ցուցակը, որոնց առայժմ լավ չեն ճանաչում աշխարհում:
«TOP-10»-ում առաջինը նշված է ֆուտբոլի Հայաստանի ազգային հավաքականի եւ Դոնեցկի «Շախտյորի» կիսապաշտպան Հենրիխ Մխիթարյանի անունը: Նրա մասին գրված է. «Մխիթարյանը 23 տարեկան է: Շրջանառվող լուրերը Հենրիխին կապում են «Արսենալի» հետ, որտեղ նրան տեսնում են Ֆաբրեգասին փոխարինողի դերում: Հիանալի տիրապետումը գնդակին, դաշտը հրաշալի տեսնելու եւ սուր փոխանցումներ կատարելու ունակությունները նրան կիսապաշտպանությունը հարձակմանը զուգակցելու հնարավորություն են տալիս: Բայց ֆուտբոլային աստղն ավելի շատ նման է Ֆրենկ Լեմպարդին. դարպասին հարվածելու եւ գոլ խփելու շանսը նա բաց չի թողնում»:
Աշոտ ՀԱԿՈԲՅԱՆ
