Այսօր՝ մարտի 23-ին, ավտովթար է տեղի ունեցել Էջմիածին քաղաքում:
Ինչպես դեպքի վայրից Aravot.am-ին հայտնում է ֆոտոլրագրող Գագիկ Շամշյանը, ժամը 20.20-ի սահմաններում Մատրոսով փողոցների խաչմերուկում իրար են բախվել 29-ամյա Սարգիս Մինասյանի վարած «Վազ 2107» մակնիշի 29 ԼՍ 949 համարանիշի և 59-ամյա Վանիկ Մաիլյանի վարած «Օպել» մակնիշի 15 ԼՕ 930 համարանիշի ավտոմեքենաները:
Բախման հետևանքով «Վազ 2107»-ի ուղևոր, ԱՄՆ-ի քաղաքացի Պոլ Փողրանջին մարմնական վնասվածքներով տեղափոխվել է Էջմիածնի հիվանդանոց:
Դեպքի վայր են ժամանել Ճանապարհային ոստիկանության սպայական 2 գումարտակի 1 վաշտի 1 դասակի աշխատակիցները՝ հետաքննիչ Մհեր Հակոբյանի գլխավորությամբ:
Քննիչի որոշմամբ, երկու ավտոմեքենաները տեղափոխվել են Էջմիածնի ՃՈ տուգանային հրապարակ:
