Կենտրոն եւ Նորք-Մարաշ վարչական շրջանների ընդհանուր իրավասության դատարանի դատավոր Արտակ Վարդանյանը ժամը 17.50-ին հրապարակեց ոստիկանության քրեական հետախուզության գլխավոր վարչության նախկին պետ, գեներալ-մայոր Հովհաննես Թամամյանի դատավճիռը: Նա դատապարտվեց ազատազրկման 4 տարի ժամանակով: Այս նույն գործով մեղադրվող, հատկապես կարեւորագույն գործերով քննիչ Վահան Խանզադյանի եւ ոստիկանության Արաբկիրի բաժնի օպերատիվ հարցերով պետի տեղակալ Արմեն Պողոսյանի նկատմամբ կկիրառվի 2 տարով փորձաշրջան, պայմանականորեն պատիժը չի կիրառվի: Նրանք քիչ հետո դատարանի դահլիճից անհապաղ ազատ կարձակվեն:
aravot.am-ի հարցին, թե արդյո՞ք կբողոքարկվի դատավճիռը` Հովհաննես Թամամյանի պաշտպան, ՀՀ փաստաբանների պալատի անդամ Վաղարշակ Գեւորգյանն ասաց, որ պետք է խորհրդակցի Թամամյանի հետ, առայժմ ճշտված չէ իրենց դիրքորոշումը:
Ռուզան ՄԻՆԱՍՅԱՆ
