«Այլեւս չկա «Ժառանգություն», չկա «Ազատ դեմոկրատներ», չկա քաղաքացիական սեկտոր. կա հավաքական, միավորված թիմ, որ միասին յուրաքանչյուրը պիտի իր լուծը վերցնի եւ տանի դեպի հաղթանակ»՝ այսպես բնորոշեց «Ժառանգություն» կուսակցության առաջնորդ Րաֆֆի Հովհաննիսյանն այն «քաղաքական միավորը», որը ձեւավորվել է «երկարատեւ եւ աննախադեպ երկունքից հետո», եւ որը, ըստ պարոն Հովհաննիսյանի՝ ընտրությունների արդյունքում կստանա համամասնական քվեների առնվազն 25 տոկոսը: Ընդ որում՝ նա հիշեցրեց՝ ապավինելով «եթե ոչ ճշմարտախոսների, ապա ճշմարտագետների» վկայությանը, որ հինգ տարի առաջ դեռեւս անփորձ «Ժառանգությունը» փաստացի հաղթեց Երեւանում եւ հանրապետության ողջ տարածքով էլ շատ ավելի բարձր ցուցանիշներ ցույց տվեց, քան գրանցեցին:
Ինչ վերաբերում է հինգ տարի առաջ նման հաղթական արդյունքներ գրանցած պատգամավորներին, որոնցից ոմանք հիմա հայտնվել են «Ժառանգության» ցուցակի ոչ առաջին տեղերում՝ որոշակի հասարակական դժգոհություն առաջ բերելով, պարոն Հովհաննիսյանն «ամենայն պատասխանատվությամբ» հայտարարեց, որ «մեր պատգամավորները լինելո՛ւ են հաջորդ գումարման ԱԺ–ում, եւ այն, որ նրանք գտնվում են այդ համարների տակ՝ դա արտացոլում է հաղթանակի նկատմամբ մեր ինքնավստահությունը եւ մեր պատգամավորների բացառիկ պարկեշտությունը, երբ իրենք գիտեն, լոկոմոտիվը պետք է լինի ոչ միայն առջեւից, այլեւ միջնամասից եւ հետեւից»:
Կարդացեք նաև
Մելանյա ԲԱՐՍԵՂՅԱՆ
