«Եթե առաջիկա խորհրդարանական ընտրությունները անցնեն օրենքի տառին համապատասխան, ես համոզված եմ, որ Հայ ազգային կոնգրեսը հաջորդ խորհրդարանում լինելու է մեծամասնություն». քիչ առաջ ավարտված մամուլի ասուլիսում հայտարարեց ՀԱԿ իրավական աջակցության կենտրոնի ղեկավար Գագիկ Ջհանգիրյանը:
Պատասխանելով լրագրողների հարցին՝ ինչո՞ւ, այնուհանդերձ, մեծամասնական ընտրակարգով Ջհանգիրյանը չառաջադրվեց, նա հակադարձեց. «Ես երբեք էլ չեմ ասել, որ անպայման առաջադրվելու եմ, ես չեմ առաջադրվել, առաջադրվել է իմ եղբայրը»:
Ի դեպ, Գագիկ Ջհանգիրյանը հաստատեց այն տեղեկությունները, որ փաստաթղթերի հավաքման փուլում արհեստական խնդիրներ են առաջացել Կոնգրեսի որոշ անդամների դեպքում. «Օրինակ, քաղբանտարկյալ Վարդան Մալխասյանին երեկ մինչեւ ժամը 5-ը ՀՀ-ում մշտական բնակության մասին տեղեկանքը չէին տալիս, չնայած որ վերջին 5 տարիներին Մալխասյանը կամ «Վարդաշեն» քրեակատարողական հիմնարկում էր, կամ Ազատության հրապարակում:
Նելլի ԳՐԻԳՈՐՅԱՆ
Կարդացեք նաև
