«Հայաստանի եվրոպացի բարեկամներ» կազմակերպության իրականացրած հետազոտության համաձայն, եթե Ազգային ժողովի ընտրությւոնները լինեին այս կիրակի, ԲՀԿ-ն կստանար մասնակիցների 41 տոկոսի ձայները, ՀՀԿ-ն՝ 36 տոկոսի, իսկ մյուս կուսակցությունները կստանային 4-5 տոկոս:
«ՉԻ»- Հայաստանի եվրոպացի բարեկամները հաստատ մեզ պապուասների տեղ են դրել: Բանն այն է, որ Հայաստանի բնակչության առնվազն 90 տոկոսը քիստ դժգոհ է ներկա վիճակից, ընդ որում՝ համոզված է, որ մեղավորն իշխանություններն են: Բա ինչպե՞ս է պատահում, որ այդ նույն բնակչության 77 տոկոսը պատրաստ է ձայն տալ իշխող կոալիցիային:
Իհարկե՝ հնարավոր է նաեւ երկրորդ տարբերակը: Այն է՝ մեր քաղաքացիներն են հարցում անցկացնողներին պապուասների տեղ դրել, ու պարզապես ձեռ են առել նրանց: Հիշում եք, չէ՞, 2008թ. ընտրություններից հետո տարածված անեկդոտը: «Ո՞ւմ ես ընտրել»: «Սերժ Սարգսյանին»: «Լավ, լավ չես ուզում՝ մի ասա»: Հիմա փաստորեն մեր քաղաքացիները չեն ցանկացել ասել, թե ում են ընտրելու:
Հիմա՝ ամենակարեւոր հարցը: «Հայաստանի եվրոպացի բարեկամներն» իսկապե՞ս բարեկամներ են, եթե այո՝ ապա Հայաստանի՞ բարեկամներն են, եւ վերջապես՝ հաստա՞տ եվրոպացիներ են:
«Չորրորդ ինքնիշխանություն»
