Մեջբերում ենք ԱԺ-կառավարություն հարցուպատասխանից հետո վարչապետ Տիգրան Սարգսյանի հայտարարությունը, որը նա արել էր փետրվարի 8-ին՝ լրագրողների հետ հարցուպատասխանի ժամանակ. «Հայտնի բիզնեսմեններ մեր ցուցակում այլեւս չեն լինելու։ Եվ այդ քաղաքական որոշումը հանրապետության նախագահը հստակ հայտնել է, եւ այդ սկզբունքը մենք իրականացնելու ենք»։ Երեկ, սակայն, երբ հրապարակվեց ԿԸՀ ներկայացրած ՀՀԿ համամասնական ցուցակը, պարզվեց, որ գրեթե բոլոր գործարարներն էլ այդ ցուցակում ընդգրկվել են՝ Ռուբեն Հայրապետյան, Սամվել Ալեքսանյան, Արտակ Սարգսյան, Ալեքսան Պետրոսյան, Նահապետ Գեւորգյան եւ այլն, եւ այլն։ Մեկնաբանությունները, կարծում ենք, ավելորդ են։
«Հայկական ժամանակ»
