Ինչպես Aravot.am-ին հայտնում է ֆոտոլրագրող Գագիկ Շամշյանը, այսօր` մարտի 22-ին, ՃՈ 2-րդ սպայական գումարտակի աշխատակիցները վարչական պատասխանատվության են ենթարկել Վայոց Ձորի մարզպետ, ԲՀԿ-ական Սերգեյ Բագրատյանին: Վերջինս պետք է երկու տուգանք մուծի` հարյուր հազար և տասը հազար դրամի չափով: Առաջին տուգանքը մարզպետը պետք է մուծի կեղծ համարանիշ օգտագործելու, իսկ երկրորդը` մի ավտոմեքենայի համարանիշը մեկ այլ ավտոմեքենային ամրակցելու պատճառով:Հիշեցնենք, որ երեկ «Առավոտը» հրապարակել էր ֆոտոլրագրող Գագիկ Շամշյանի լուսանկարները, որոնցում արձանագրվել էին, որ Վայոց Ձորի մարզպետ Սերգեյ Բագրատյանը մարզպետարանին ամրակցված 031 ԼԼ 55 պետհամարանիշները օգտագործում է իր անձնական «Ռենջ ռովեր» և «Նիսսան Ալտիմա» մակնիշների ավտոմեքենաների վրա:
