Այսօր՝ մարտի 22-ին, Ոստիկանության քրեական հետախուզության գլխավոր վարչության և Ոստիկանության Չարբախի բաժանմունքի աշխատակիցները, ձեռնարկելով օպերատիվ միջոցառումներ, ունեցած տեղեկությունների հիման վրա, Երևանում հայտնաբերել են շուրջ 3 տարի հետախուզման մեջ գտնվող Երևանի Շիրակի փողոցի 30-ամյա բնակիչ Արսեն Սարգսյանին:
Ինչպես Aravot.am-ին հայտնում է ֆոտոլրագրող Գագիկ Շամշյանը, նրա նկատմամբ քրեական գործ է հարուցվել ՀՀ քր.օր-ի 139 հոդվածի 2-րդ մասի 1-ին կետի (Սեռական բնույթի բռնի գործողություններ մի խումբ անձանց կողմից) հատկանիշներով:
2009 թվականի ամռանը Ա. Սարգսյանը 2 անձանց հետ Երևանյան լճի հարևանությամբ բռնի սեքսուալ բնույթի գործողություներ է կատարել 19-ամյա Է. Ս.-ի նկատմամբ:
Ա. Սարգսյանը տեղափոխվեց ՀՀ արդարադատության նախարարության «Նուբարաշեն» քրեակատարողական հիմնարկ:
