Այսօր` մարտի 22-ին, ավտովթար է տեղի ունեցել Արմավիրի մարզում:
Ինչպես դեպքի վայրից Aravot.am-ին հայտնում է ֆոտոլրագրող Գագիկ Շամշյանը, ժամը 09.00-ի սահմաններում Արմավիրի մարզի Արմավիր գյուղից դեպի Ջանֆիդա գյուղ տանող ավտոճանապարհի 3-րդ կիլոմետրում միմյանց են բախվել 38-ամյա Էդուարդ Բշարյանի վարած «ԳԱԶ 3110» մակնիշի 19 ՍՕ 295 համարանիշի և Գևորգ Պողոսյանի վարած «ԳԱԶ 53» մակնիշի 06 ՍԼ 427 համարանիշի ավտոմեքենաները:
Ավտովթարի հետևանքով «ԳԱԶ 3110» մակնիշի ավտոմեքենայի վարորդը և նրա ուղևորներ 63-ամյա Քյարամ Ալոյանն ու 60-ամյա Դշա Բշարյանը, ինչպես նաև «ԳԱԶ 53»-ի ուղևորներ 23-ամյա Ադո Նադոյանը և 41-ամյա Վաչագան Նադոյանը մարմնական վնասվածքներով տեղափոխվել են հիվանդանոց:
Դեպքի վայր են ժամանել Ճանապարհային ոստիկանության 2-րդ սպայական գումարտակի 2-րդ վաշտի 1-ին դասակի տեսուչները` 2-րդ սպայական գումարտակի 1-ին վաշտի հրամանատար Յուրի Հովհաննիսյանի և 2-րդ սպայական գումարտակի 2-րդ վաշտի 1-ին դասակի հրամանատար Գրիգոր Գրիգորյանի գլխավորությամբ:
Ավտովթարի վայր են ժամանել նաև ոստիկանության Արմավիրի բաժնի օպերատիվ-քննչական խումբը` քննիչ Գ.Մանուկյանի գլխավորությամբ:
Ֆոտոլրագրող Գագիկ Շամշյանը հայտնում է նաև, որ ավտովթարի վայրում աշխատել է նաև փորձագետ Ա.Ղարիբյանը:
Լուսանկարները` Գագիկ Շամշյանի
