Ըստ ԶԼՄ-ների հաղորդումների, երեկ ԱԺ-ում կրկնվեց «ուրիշի փոխարեն» հանցագործ միջոցառումը, որի առիթով ԱԺ համապատասխան նիստի ժամանակ իր բողոքն է հայտնել պատգամավոր Լարիսա Ալավերդյանը:
Այդ մասին, պատմական արձանագրման նպատակով, այսօր, սույնով նորից հաղորդում ենք ներկայացրել ՀՔԾ, միաժամանակ տեղեկացնելով, որ փետրվարյան այդ հանցագործությունների մասին մեր զանգվածային հաղորդումների կապակցությամբ առ այսօր պատշաճ պատասխան չենք ստացել:
Տեղեկացել ենք միայն, որ հաղորդումներն ուղարկվել են ԱԺ նախագահին, որը, մի քանիսի կապակացությամբ ինչ որ կոչեր է արել և վերջ:
Այսինքն, այդ հաղորդումները «քնած են» ԱԺ նախագահի մոտ:
Կարդացեք նաև
Պատկերացնու՞մ եք, ինչ պետություն ունենք, իր ՀՀԿ-ական գլխով՝ օրենքով սահմանված կարգով հաղորդում ենք ներկայացրել իրավապահ մարմնին, որի մասին գրեթե բոլոր ԶԼՄ-ները տեղեկատվություն են տարածել, սակայն, օրենքով սահմանված պատասխան առ այսօր չենք ստացել:
Թերևս, միայն մի «ուրախալի» լուր ենք ստացել այն մասին, որ այդ օրինախախտներից ոմանք ընդգրկվել են ՀՀԿ ղեկավար մարմնի և նախընտրական ցուցակի կազմերում: Այսինքն, ՀՀԿ ղեկավարի շրջապատը որակական լուրջ ձեռքբերումներ է ունեցել:
Խրախուսման այս պայմաններում, ինչու՞ չպետք է կրկնեին նույն հանցագործությունը, այն էլ՝ արդեն բարձրաստիճան կարգավիճակում:
Ինչևէ, այս մասին եվրոպական լուր ենք ուղարկել նաև Եվրոպայի ժողովրդական կուսակցության ղեկավարությանը:
ՀՊԱԿ լրատվություն
