«Կոալիցիայի անգամ երեք կուսակցությունների ցուցակներն էլ ինձ մի քիչ զարմացրել են իրենց կառուցվածքով»,- Aravot.am-ի հետ զրույցում, ի պատասխան մեր հարցի, ասաց քաղաքագետ Սուրեն Սուրենյանցը` հավելելով. «Ավելի շատ քաղաքական նպատակահարմարության պահն է գործել, քան քաղաքական սկզբունքը»:
Սուրենյանցի համար , օրինակ, շատ զարմանալի է, որ ՀՀԿ համամասնական ցուցակի երկրորդ համարը ԱԺ նախկին նախագահ Հովիկ Աբրահամյանն է. «Ըստ էության, որեւէ տրամաբանություն չկա»:
Նույն սկզբունքով քաղաքագետը զարմանում է, որ ՕԵԿ-ի ցուցակի անցողիկ տեղերում հայտնվել են հասարակությանն անհայտ անուններ կամ ԲՀԿ ցուցակի երկրորդ հորիզոնականը զբաղեցնող, այդ կուսակցությունում որեւէ դերակատարում չունեցած եւ ԲՀԿ-ին վերջերս անդամագրված նախկին արտգործնախարար Վարդան Օսկանյանի ներկայությունը, քաղաքագետ Հմայակ Հովհաննիսյանի ներկայությունն առաջին տասնյակում: «Այսինքն, հիմա մենք տեսնում ենք, որ գործում է ոչ թե քաղաքական սկզբունքը, այլ քաղաքական նպատակահարմարությունը եւ ցուցակներն այս առումով դժվար են ենթարկվում որեւէ տրամաբանության»,- եզրափակեց Սուրեն Սուրենյանցը:
Նելլի ԳՐԻԳՈՐՅԱՆ
Կարդացեք նաև
