Բջջայինի հաճախակի օգտագործումը բացասաբար է ազդում չծնված երեխաների վրա: Ըստ Pcnews-ի՝ ԱՄՆ-ի Յեյլի համալսարանի գիտնականները փորձեր են կատարել մկների վրա ու պարզել, որ ճառագայթման ազդեցության պատճառով արգանդում գտնվող պտղի ուղեղը դանդաղ է զարգանում: Գրում է ScienceDaily-ն:
Հետազոտության ընթացքում ուսումնասիրվել են 33 հղի մկներ: Դրանց մի մասի մոտ տեղադրել են միացված բջջային հեռախոս, որը 17 օր շարունակ պարբերաբար ստացել է զանգեր: Մկների մյուս խմբի մոտ տեղադրված բջջայինները եղել են անջատված:
Միացված հեռախոսի կողքին գտնվող մկների մոտ նկատվել են հիպերակտիվության, հիշողության կորստի ու տագնապած վիճակի նշաններ:
Գիտնականները պարզել են, որ այդ խնդիրները կապված են ուղեղի նեյրոնների թերզարգացման հետ: Անջատված բջջայինի կողքին գտնվող մկների մոտ շեղումներ չեն նկատվել:
