Նախ, կուսակցության Վարչության անունից շնորհակալություն եմ հայտնում այն ԶԼՄ-ներին, որոնք հրապարակեցին մեր «Հայ Ազգային Կոնգրեսի նախընտրական գործունեության մասին» հայտարարությունը, ինչպես նաև բոլոր նրանց, ովքեր իրենց օպերատիվ արձագանքներով շարունակում են աջակցել մեր մտահոգությանը ՀԱԿ-ի նախընտրական ցուցակի որակի առնչությամբ:
Սակայն, պարզաբանման հիմնական նպատակն այն է, որ Հայտարարության մեջ տեղ է գտել անհաջող ձևակերպում «1995-2008թ.թ.-ի կեղծված ընտրությունների ԿԸՀ-ների որևէ անդամ չի կարող տեղ զբաղեցնել Ցուցակում՝ ընդհանրապես» մեր տեսակետում:
Անկասկած, դա չի վերաբերում ՀԱԿ անդամներ՝ Ֆելիքս Խաչատրյանին և Զոյա Թադևոսյանին:
Ավելին, ՀԺԿական Ֆ.Խաչատրյանն, ըստ ինձ, ՀՀ ԿԸՀ-ների լավագույն անդամներից մեկն է:
Կարդացեք նաև
Իսկ, տվյալ դեպքում, խոսքը հիմնականում վերաբերել է, ժամանակին, ԿԸՀ փաստացի ղեկավար Գ.Ջհանգիրյանին, որի միայն հայտնվելը ցուցակում վիրավորական է ՀԱԿ-ի ցանկացած անդամի համար:
Առաջին Նախագահը չի կարող նմանվել ՀՀԿ ղեկավարին, որը ցուցադրաբար «ուրիշի փոխարեն քվեարկողներին», այսինքն, ծանր հանցագործություն կատարած անձանց ընդգրկեց ՀՀԿ ղեկավար մարմնում և նախընտրական ցուցակի վերևներում:
Ինչևէ, իմ անունից ես ներողություն եմ խնդրում ՀԱԿ իմ գործընկերներից հիշյալ վրիպակի առնչությամբ:
«ՄԻ-96» կուսակցության նախագահ
Ռ.Թորոսյան
