ԱԺ քառօրյան այսօր սկսվեց «Ժառանգության» ներկայացրած՝ հայ-թուրքական արձանագրությունները ԱԺ օրակարգից հանելու, «Օսմանյան կայսրությունում պոնտոսահույների, ասորիների եւ այլ ազգերի ցեղասպանության դատապարտման մասին» նախաձեռնությունների քննարկմամբ: ԱԺ նախագահ Սամվել Նիկոյանը հայտարարեց վերջին առաջարկին դեմ է քվեարկելու:
«Այս համայքները մեծ ներդրում են ունեցել մեր երկրի զարգացման համար: Շատ կարեւոր է այս օրինագծի ընդունումը ու դրա համար կարող եք նաեւ հանրային լսումներ կազմակերպել: Նաեւ բարոյական խնդիր կա՝ որպես ցեղասպանություն վերապրած ազգ»,- հայտարարեց «Ժառանգության» պատգամավոր Արմեն Մարտիրոսյանը:
ՀՀԿ խմբակցության ղեկավար Գալուստ Սահակյանն էլ իր հերթին ընդգծեց, որ իրենք չեն մասնակցելու այս նախագծի քվեարկությանը, քանի որ, ինչպես նա նշեց, ՀՀԿ-ն անորոշ տրամաբանությամբ քայլեր չի ձեռնարկելու. «Իսկ դուք հարցրե՞լ եք այդ փոքրամասնություններին, նրանք ուզո՞ւմ են այդ նախագծի ընդունումը, թե՞ ոչ, քանի որ դրա ընդունումը քաղաքական պայմանադրումներ պետք է ունենա»,- ասաց նա:
Միով բանիվ՝ 17 կողմ, 0 դեմ եւ ձեռնպահ ձայների հարաբերությամբ ԱԺ-ն այսօր չընդունեց «Օսմանյան կայսրությունում պոնտոսահույների, ասորիների եւ այլ ազգերի ցեղասպանության դատապարտման մասին» նախագիծը:
Կարդացեք նաև
Մանրամասն՝ կարդացեք այստեղ
