ՍԴՀԿ ատենապետ Լյուդմիլա Սարգսյանն այն կարծիքին է, որ նախընտրական շրջանում ամեն մեկը փորձում է խուսափել Հայաստանում ստեղծված իրավիճակի պատասխանատվությունից: «Խոսքս իշխանական՝ կոալիցիոն կուսակցություններին է վերաբերում: Իսկ եթե նման քննադատություններ են հնչել, ապա կարծում եմ՝ մոտ 5 տարի Ազգային ժողովում լինելով, հնարավորություն ունեին այդ սխալներն ուղղելու եւ չքվեարկելու հօգուտ այդ որոշումների, եթե հիմա գտնում են, որ այդ որոշումներն անհիմն ու ի վնաս ժողովրդի են»,- Aravot.am-ին ասաց ՍԴՀԿ ատենապետը:
ԲՀԿ անդամների քննադատական ելույթները. որոնք հնչեցին մարտի 17-ին կայացած համագումարում՝ տիկին Սարգսյանը պայմանավորում է կուսակցության՝ առավելագույն ձայների քանակ ապահովելու մտադրությամբ: Նա չի բացառում նաեւ, որ այդ քանակն ապահովելու համար կուսակցությունը ոչ միայն քննադատության, այլ ուրիշ մեթոդների էլ դիմի. «Սպասենք, երեւի կլինեն այլ քայլեր եւս» :
Տիկին Սարգսյանը դժվարացավ ՀԱԿ-ԲՀԿ համագործակցության հնարավորության մասին կանխատեսումներ անել, միայն հավելեց. «Համագործակցությունը որեւիցե քաղաքական ուժի հետ ինչ–որ փուլում չեմ բացառում, եթե խոսքը վերաբերում է արդար ու թափանցիկ ընտրությունների անցկացմանն ու դրա վերահսկողությանը՝ համատեղ ուժերով »:
Կարդացեք նաև
Արփինե ՍԻՄՈՆՅԱՆ
