Այսօր` մարտի 17-ին ավտովթար է տեղի ունեցել Կոտայքի մարզում: Ինչպես aravot.am-ին հայտնում է ֆոտոլրագրող Գագիկ Շամշյանը, գիշերը ժամը 01.00-ի սահմաններում Դավիթ Դավթյանը վարելով Մերսեդես-Բենց մակնիշի 24 ՕՏ 579 համարանիշի ավտոմեքենան, Երեւան-Սեւան ավտոճանապարհի 11-րդ կմ հատվածում բախվել է Կարեն Սաֆարյանի վարած ԳԱԶ-3110 մակնիշի 02 ԼՍ 195 համարանիշի ավտոմեքենային: Վթարի հետեւանքով 3110-ի վարորդն ու նրա ուղեւորներ 37-ամյա Հովհաննես Առաքելյանն ու 41-ամյա Վարդիթեր Սաֆարյանը մարմնական վնասվածքներով տեղափոխվել են Երեւանի «Սուրբ Գրիգոր Լուսավորիչ» բժշկական կենտրոն: Փաստի առթիվ ոստիկանության քննչական գլխավոր վարչության Կոտայքի մարզի քննչական բաժնի Կոտայքի քննչական բաժանմունքում նյութեր են նախապատրաստվում:
