Այսօր Կառավարության նիստերի դահլիճում կայացած «Ժողովրդավարություն և Աշխատանք» կուսակցության համաժողովում ազդարարվեց, որ կուսակցությունը սատարելու է Հայաստանի Հանրապետական կուսակցությանը:
Հիշեցնենք, որ ԺԱԿ նախագահ Սպարտակ Մելիքյանն 2007թ. մայիսի 12-ին Ազգային ժողովի պատգամավոր է ընտրվել համամասնական ընտրակարգով Հայաստանի Հանրապետական կուսակցությունից:
Այսօր համաժողովում հայտնի դարձավ, որ «Ժողովրդավարություն եւ աշխատանք» կուսակցության ազգային կոմիտեի ընդունած որոշման համաձայն՝ խորհրդարանի հերթական ընտրություններին ԺԱԿ-ը մասնակցելու է սատարելով ՀՀ նախագահ Սերժ Սարգսյանի գլխավորած ՀՀԿ-ին:
Կուսակցության նախագահ Սպարտակ Մելիքյանն իր ելույթում ասաց. «Այս համաժողովը կարեւորվում է քաղաքական լրջագույն մի շարժառիթով, որն այսօր ուղղակիորեն բխում է Հայաստանում լայնորեն մեկնարկած քաղաքական նախընտրական գործընթացների տրամաբանությունից: Հայաստանն այսօր հերթական անգամ կանգնած է համապետական ընտրությունների առջեւ, որոնց նշանակությունը չափազանց կարեւոր է Հայաստան երկրի եւ հայ ժողովրդի հետագա կայուն եւ անվտանգ առաջընթացի տեսանկյունից»:
Կարդացեք նաև
Սպարտակ Մելիքյանն իր ելույթում նաեւ նշեց, որ անցած ութ տարում «ԺԱԿ-ը կայացել է որպես կենսունակ, գաղափարակիր անդամներով համալրված կառույց, որի համար առաջնային է եղել քաղաքական սկզբունքայնությունը եւ հայրենանվեր աշխատանքը եւ ոչ երբեք քաղաքական էժան պոպուլիզմը»:VOICE005
Արփինե ՍԻՄՈՆՅԱՆ
