«Բարգավաճ Հայաստան» կուսակցության քաղաքական խորհրդի անդամ Նաիրա Զոհրաբյանին «Առավոտը» հարցրեց.«ՀՀԿ-ն արդեն իսկ հրապարակել է իր մեծամասնական ընտրակարգով առաջադրումների ցուցակը, որտեղ նախապատվությունը տրված է օլիգարխներին: Իսկ ի՞նչ կասեք «Բարգավաճի» մասին`արդյո՞ք ԲՀԿ-ում էլ են մեծամասնականով առաջադրվելու նախապատվությունը տալու օլիգարխներին»: Տիկին Զոհրաբյանն ասաց, որ մեծամասնականով առաջադրումներն արդեն իսկ լինում են, եւ ցանկության դեպքում հնարավոր է նկատել որոշակի միտումներ, ինչ մնում է ցուցակներին, դրանք կհրապարակվեն մոտ ապագայում, եւ արդեն կարելի է վերլուծություններ եւ մեկնաբանություններ տալ:
«Երբ կհրապարակվեն ԲՀԿ-ի նախընտրական ցուցակները` թե համամասնական, թե մեծամասնական ընտրակարգով, այդ ժամանակ էլ ցուցակում ներառված ցանկացած անձի վերաբերյալ եթե կլինեն հարցեր, անպայմանորեն կպատասխանենք»,- ասաց տիկին Զոհրաբյանը:
Նելլի ԳՐԻԳՈՐՅԱՆ
