Դիվանագետները եւ դրսի կուսակցությունների ներկայացուցիչները` ԲՀԿ համագումարին
- «Եդինայա Ռոսիայի» քաղխորհրդի նախագահության քարտուղար Սերգեյ Նեվերովը փոխանցեց ՌԴ Պետդումայի նախագահ Բորիս Գրիզլովի մաղթանքը:
«Բարգավաճ Հայաստան» կուսակցության ենրկայումս ընթացող համագումարին ներկա են նաեւ Հայաստանում գրանցված դիվանագիտական կորպուսի ներկայացուցիչները: Բացի տարբեր երկրների դեսպաններից, հյուրեր կան նաեւ Ռուսաստանի Դաշնությունից, «Եդինայա Ռոսիա» կուսակցության ներկայացուցիչ Սերգեյ Իվանովիչ Նեվերովը, Ուկրաինայի ռեգիոնների կուսակցության պատվիարակությունը եւ Խորվաթիայի ժողովրդական կուսակցության պատվիրակությունը` Խորվաթիայի նախկին նախագահ Ստեփան Մեսիչի գլխավորությամբ: Հյուրերն իրենց ողջույնի խոսքում ցանկացան, որ «Բարգավաճ Հայաստանը» հաջողություններ գրանցի առաջիկա խորհրդարանական ընտրություններում:
Սերգեյ Նեվրովը Պետդումայի խոսնակ, «Եդինայա Ռոսիա» կուսակցության ղեկավար Բորիս Գրիզլովի ողջույնի խոսքը փոխանցելով, ասաց, որ հայ-ռուսական երկկողմ հարաբերությունները սերտորեն զարգացել են նաեւ «Բարգավաճ Հայաստան» եւ «Եդինայա Ռոսիա» կուսակցությունների համագործակցության արդյունքում:
Համագումարում Չինաստանի Կոմկուսի ուղերձն ընթերցեց նաեւ Հայաստանի Հանրապետությունում Չինաստանի ժողովրդական հանրապետության գործերի ժամանակավոր հավատարմատարը:
Նելլի ԳՐԻԳՈՐՅԱՆ
