Արդարադատության նախարարությունը սկսել է վարչական վարույթ ու քննում է ՍԴՀԿ նոր խմբագրությամբ կանոնադրության և «նոր ատենապետի» մասին տեղեկությունների գրանցումը անվավեր ճանաչելու մասին ՍԴՀԿ ատենապետ Լյուդմիլա Սարգսյանի բողոքը: Վերջինիս այն պնդումներին, թե նախարարությունը միտումնավոր երկարացնում է անվավեր ճանաչելու մասին որոշումը, որ իրենք չկարողանան ՀԱԿ-ի հետ Դաշինք կազմել, այսօր արդարադատության նախարար Հրայր Թովմասյանը Aravot.am-ի հետ զրույցում ասաց, որ բողոքը քննում են սահմանված ժամկետների շրջանակում. 30 օրվա ընթացքում կպարզեն, թե պետռեգիստրը իրավաչա՞փ որոշում է կայացրել, թե՞ ոչ:
Լ. Սարգսյանի ներկայացրած ուղիղ մեղադրանքին էլ նախարարությանը, պարոն Թովմասյանը կասկածով է վերաբերվում. «Չգիտեմ՝ այդ մեղադրանքը ուղիղ էր կամ որոշակիորեն ծուռ էր»:
Պարոն Թովմասյանը նաեւ նկատեց, որ երկու կողմերի՝ իրենց ՍԴՀԿ ատենապետ ներկայացնողների, ներկայացրած փաստարկները խիստ տարբեր են ,եւ բոլոր մանրամասները կպարզվեն մի քանի օրից:
Կարդացեք նաև
Արփինե ՍԻՄՈՆՅԱՆ
