Այսօր Aravot.am-ի հետ զրույցում ԲՀԿ քաղխորհրդի անդամ Տիգրան Ուրիխանյանը հարցին` 2010-ին քննադատում էիք վարչապետի գործունեությունը` ասելով, որ նա պետք է հրաժարական տա, հիմա նույն կարծիքի՞ եք, թե՞ չէ՝ պատասխանեց, որ 2010-ին ինքը հայտնում էր համապատասխան կարգավիճակ ունեցող, քաղաքականությամբ զբաղվող անձի կարծիք. «Այսօր ես ԲՀԿ քաղաքական խորհրդի անդամ եմ եւ համապատասխան տեսակետ հայտնելու համար պիտի ունենամ իմ կողմից ներկայացվող քաղաքական ուժի դիրքորոշում: Այդուհանդերձ, նշեմ, որ ԲՀԿ-ն մասնակցում է ընտրություններին, ներկայացնում է իր սեփական նախընտրական ծրագիրը, հետեւաբար եւ հանդիսանում է որպես այլընտրանք այն քաղաքական ուժին, որը ներկայացնում է կառավարության ղեկավարը»:
2010-ին «Տեսակետ» ակումբում, ըստ ԶԼՄ-ների հրապարակման, Տիգրան Ուրիխանյանը, հարցին` Ռոբերտ Քոչարյանի վերադարձը հնարավոր համարո՞ւմ եք` ասել էր. «Այո, Ռոբերտ Քոչարյանն ունի հնարավորություններ՝ նպաստելու դժվարին կացությունից դուրս գալուն»:
Այս առնչությամբ մեր հարցին` այս կարծիքն է՞լ է դեռ ուժի մեջ` պարոն Ուրիխանյանը հիշեց «Иван Васильевич меняет профессию» ֆիլմի թեւավոր խոսքը` «Ասում են` меня терзают смутные сомнения, У Шпака — магнитофон, у посла — медальон, դուք ոնց որ մի բան էն չեք ասո՞ւմ, բռնացնելո՞ւ պահ է: Ես գտնում եմ, որ այնտեղ կա անճշտություն եւ անհամապատասխանություն»:
Կարդացեք նաև
Ավելի ուշ, երբ 2 տարի առաջ Տիգրան Ուրիխանյանի ասուլիսի այդ հատվածը համացանցում ցույց տվեցինք, նա ասաց, որ դա իր խոսքերը չեն. «Լրագրողները իմ մասին գրել են նաեւ, որ ես լուսնից եմ իջել»:
Հռիփսիմե ՋԵԲԵՋՅԱՆ
