Հատվածներ ԱԺ նախագահ Սամվել Նիկոյանի հետ հարցազրույցից:
– Խորհրդարանական ընտրություններից ամիսուկես առաջ ինչպե՞ս եք տեսնում Հայաստանի ներքաղաքական կյանքը։
– Բավականին բնականոն եւ դրական զարգացումներով, այն լարվածությունը, որ նախկինում կար քաղաքական դաշտում, փոխադարձ մեղադրանքները, հայհոյախոսությունն ու թշնամանքին սահմանակցող քննադատությունն այժմ չեմ նկատում։ Իսկ դա նշանակում է, որ վերջին տարիներին մեր հասարակության մեջ, քաղաքական դաշտում արձանագրվել են կարեւոր փոփոխություններ, ինչն առաջիկա ընտրություններն օրինականության եւ միջազգային չափանիշներով անցկացնելու լավագույն երաշխիքներից է։
Կարդացեք նաև
– Ձեր կարծիքով՝ գլխավոր ինտրիգը ներիշխանակա՞ն դաշտում է, ընդդիմության ներսո՞ւմ, թե՞ իշխանության եւ ընդդիմության միջեւ։
– Խորհրդարանական ընտրությունները մյուս բոլոր ընտրություններից տարբերվում են՝ քաղաքական ուժերի համար ամբողջ դաշտն է մրցակցային. եւ իշխանական դաշտի, եւ ընդդիմադիր դաշտի կուսակցությունները մրցակցում են միմյանց հետ՝ առանց բացառության։ Դա եւս մեկ նախապայման է ընտրությունների արդարության ապահովման համար։
– Ձեր կարծիքով՝ ի՞նչ քաղաքական ուժեր կլինեն խորհրդարանում։
– Հարցրեք ժողովրդին։
– ՀԱԿ–ը տեսնո՞ւմ եք խորհրդարանում։
– ՀԱԿ-ը նախկին ներուժը կորցրել է, ժամանակը միշտ էլ բերում է իր սրբագրումները՝ նախ, եւ հետո՝ ՀԱԿ-ից հեռացավ «Ազատ դեմոկրատները», որ կազմակերպական մեծ հնարավորություններ ուներ։ Կյանքը ցույց կտա, թե որ կուսակցությունն ինչքանով կմոբիլիզացնի իր ուժերը եւ ինչ գնահատականի կարժանանա:
Անահիտ ԱԴԱՄՅԱՆ
«Իրատես դե ֆակտո»
