Հատված թիվ 18 ընտրատարածքում (Արարատի մարզ) ԲՀԿ-ից առաջադրվող ոստիկանության ներքին զորքերի նախկին հրամանատար Գրիգոր Գրիգորյանի՝ Շերիֆի հետ հարցազրույցից:
– Բոլորը մարտի 1-ով են հիշում…
– Հերի՛ք ա քաղաքական հարցեր տաք, էլի՛, էլի մարտի 1-ով… գիտե՞ս՝ մարտի 1-ը որտեղիս ա հասել, մարտի 1-ը… դու որեւէ բան գիտե՞ս մարտի 1-ի մասին, իրականում, ռեալ իրականության մեջ։ Ինձ դարձրել եք մարտի 1-ի դեմք, էս, էն… ես մարտի 1-ին շատ բան եմ արել, որպեսզի արյունահեղություն չլինի, էս չլինի, էն չլինի… բայց ինձ սարքել եք ազգի թշնամի, ազգի դավաճան, էդպես չի կարելի չէ։ Մարտի 1, հա մարտի 1: Մարտի 1-ին ես եղել եմ պետական ծառայության մեջ, կատարել եմ իմ առջեւ դրված խնդիրները, ամեն ինչ արել եմ օրենքի շրջանակներում։
– Պարոն Գրիգորյան, մտավախություն չունե՞ք, որ այնուամենայնիվ, մարտի 1-ին Ձեր ունեցած դերակատարության պատճառով ԱԺ ընտրություններում Ձեր հնարավորությունները կնվազեն։
Կարդացեք նաև
– Չէ՛, չունեմ։ Մտավախություն չունեմ, որովհետեւ ես ո՛չ մարտի 1-ից առաջ, ո՛չ դրանից հետո լուրջ, չգիտեմ, ճակատագրական սխալներ չեմ արել որեւէ մեկի հանդեպ, առավել եւս մեր պետականության դեմ, որ մտավախություն ունենամ:
Սոնա ԳՐԻԳՈՐՅԱՆ
«Ժողովուրդ»
