Ինչպես «Առավոտին» հայտնում է ֆոտոլրագրող Գագիկ Շամշյանը, ժամը 10.30-ի սահմաններում Երևանի փրկարարական վարչության Ավանի բաժնի պետ Հարությունյանը հայտնել է Արտակարգ իրավիճակների նախարարության հակաճգնաժամային կենտրոն, որ Ավան վարչական շրջանի Իսահակյան թաղամասի թիվ 3/1 շենքից երկաթբետոնե կտոր է կախվել, և առկա է ընկնելու վտանգ:
Հարությունյանը նաև նշել է, որ կախված կտորն իրենից մեծ վտանգ է ներկայացնում, քանի որ բարձրահարկ շենք է, և հարևանությամբ կա խաղահրապարակ, ու հնարավոր է` երկաթբետոնե կտորն ընկնի մարդկանց վրա:
Կարճ ժամանակ անց դեպքի վայր են մեկնել փրկարար ուժերի վարչության Հայաստանի հրշեջ-փրկարարական ջոկատի 3-րդ հերթապահ խումբը` Հակոբյանի գլխավորությամբ: Տեղում պարզվել է, որ շենքի 8-րդ հարկից կախվել է բետոնե կոնստրուկցիա:Փրկարարները հատուկ պարանի միոցով կարողացան շենքի կտուրից իջնել և հատուկ տեխնիկայի միջոցով կտրել ամրաններն ու հեռացնել երկաթբետոնե կոնստրուկցիան:
Լուսանկարները` Գագիկ Շամշյանի
