Կենտրոն եւ Նորք- Մարաշ վարչական շրջանների ընդհանուր իրավասության դատարանի դատավոր Մխիթար Պապոյանն արդեն երրորդ դատական նիստն է, որ հետաձգում է:
Ճանապարհային ոստիկանության նախկին պետ Մարգար Օհանյանի, սպայական գումարտակի հրամանատար Ստեփան Կարախանյանի, տնտեսական բաժնի պետ Արա Լեւոնյանի եւ տեխնիկ Սամվել Մախմուրյանի գործով մեղադրող Հարություն Հարությունյանը չի կարողանում իր մեղադրական ճառն ասել, այն է՝ նաեւ միջնորդել պատժաչափերի համար: Հիվանդանում են պաշտպանները: Վերջին երկու նիստերին հիվանդության մասին անաշխատունակության թերթիկը դատարանին ուղարկեց Մարգար Օհանյանի պաշտպանը՝ ՀՀ փաստաբանների պալատի անդամ Մկրտիչ Վասակյանը:
Մարգար Օհանյանն ակնհայտ տխուր է, չի նայում դահլիճի կողմը, հետ եւ անգամ՝ իր վերարկուն չի հանում: Մտահոգ էր նաեւ Ստեփան Կարախանյանը.նրա պաշտպանն էլ՝ Լիանա Գրիգորյանը հիվանդ էր Մկրտիչից առաջ:
Ինչ-որ բան այն չէ: Չնայած կան պաշտոնական բժշկական տեղեկանքներ, սակայն չի բացառվում, որ պաշտպանական կողմի մարտավարությունն է այս.մեղադրական ճառից առաջ հստակեցնել իրենց դիրքորոշումը:
Կարդացեք նաև
Դատական հաջորդ նիստը նշանակվեց մարտի 27-ին:
Ռուզան ՄԻՆԱՍՅԱՆ
