Սերգեյ Մարկեդոնովը «Ազատություն» ռադիոկայանի մոսկովյան ստուդիայում, արխիվային լուսանկար
«Վրաստանի խնդրում Մոսկվայի եւ Վաշինգտոնի տեսակետները տրամագծորեն հակառակն են: Դրա հետ մեկտեղ, երկու երկրներն էլ պատրաստ են համագործակցել Լեռնային Ղարաբաղի հակամարտության կարգավորման գործում», – նշում է Մարկեդոնովը «Ազատություն» ռադիոկայանի համար պատրաստած մեկնաբանության մեջ:
Քաղաքագետի խոսքով, եթե Ղարաբաղի խնդրում լուրջ տարաձայնություններ չկան, ապա վրաց – ռուսական հակամարտությունը Միացյալ Նահանգներում նաեւ որոշակի ներքաղաքական հնչեղություն ունի. – «Սոցիոլոգիական բոլոր հարցումները վկայում են, որ այժմ Բարաք Օբաման վերընտրության շատ ավելի լուրջ հեռանկարներ ունի, քան նախկինում: Դրա հետ մեկտեղ, անգամ հաղթանակի պարագայում Օբաման չի կարողանա անտեսել հանրապետականների այն մոտեցումը, որի համաձայն` Վլադիմիր Պուտինի վերընտրությունը լուրջ մարտահրավեր է ամերիկյան ազգային շահերին: Հարկ է նկատել, որ վրացական թեման հանրապետականների նախընտրական հռետորաբանության ոչ առանցքային, բայց շատ կարեւոր մասնիկն է: Այնպես որ, Օբաման, ուզի թե չուզի, պետք է արձագանքի իր հակառակորդների այն քննադատությանը, թե Վաշինգտոնը «վաճառում է» ժողովրդավարության արժեքները` այժմեական քաղաքական շահից դրդված»։
Ամեն դեպքում, ըստ Մարկեդոնովի, առաջիկայում Հարավային Կովկասը սպասողական վիճակում կլինի:
Կարդացեք նաև
«Պուտինը դեռ չի ընտրել, թե ինչն է իր համար գերադասելի` քաղաքական միջավայրի սառեցո՞ւմը, թե՞ չափավոր բարեփոխումները։ Նրա այդ ընտրությունն էլ կկանխորոշի ռուս – ամերիկյան հարաբերությունների հետագա ընթացքը։ Իսկ այդ ընթացքից Հարավային Կովկասում չափազանց շատ բան է կախված», – համոզված է ռուսաստանցի քաղաքագետը։
