Երեկ, երբ հայտնի դարձավ, որ ԱԺ պատգամավոր Վիկտոր Դալլաքյանն անդամագրվել է Հայաստանի հանրապետական կուսակցությանը, համացանցում սկսեց շրջանառվել մի տեսանյութ, որում վերջինս Սերժ Սարգսյանի հասցեին մեղադրանքներ է հնչեցնում։
Տեսանյութում Վիկտոր Դալլաքյանը բնակչության հետ հանդիպման ժամանակ ոգեւորված բացատրում է, թե ինչու են մարդիկ վատ ապրում։
«Հիմա ձեր աշխատավարձը խի՞ ա ցածր, ձեր թոշակը խի՞ ա ցածր, որովհետեւ Սերժ Սարգսյանը, երբ որ Մոնտե Կարլո ա գնում ու ղումար պիտի խաղա, 50 հազար դոլար ա կոնը։ Հասկանում եք՝ էդ ի՞նչ ա նշանակում։ Այսինքն՝ ստավկեն, որ սկսում ա, դնում են 50 հազար։ Այ էդ ձեր փողերն ա, այ էս սաղիդ, ձերն ա էդ։ Այսինքն՝ ձեզ ձեռ են առնում։ 20 դրամ թոշակը բարձրացնամ են, ձեզ ասում են՝ ձեր թոշակը բարձրացրինք, բա խի՞ չեք ուրախանում»,- տեսանյութում ասում է Դալլաքյանը։
Երեկ մենք փորձեցինք Վիկտոր Դալլաքյանից պարզել՝ արդյոք իր սկզբունքներին չէ՞ր հակասում ՀՀԿ-ին անդամագրվելը եւ արդյոք այսօր փոխե՞լ է Սերժ Սարգսյանի մասին իր կարծիքը։
Կարդացեք նաև
«Գեղեցկուհի, ինձ զանգահարեք մայիսի 7- ին»,- մեր հարցին ի պատասխան մի քանի անգամ կրկնեց նա ու անջատեց հեռախոսը։
Դե ինչ, Վիկտորը ինքն իրեն ահագին ժամանակ տվեց «ինքնամաքրվելու» համար։
«Հայացք»
